Rénghap ranyug ieu raga

Karasa beurat mamawana

Asa aya anu nyangreud

Saolah teuleum di talaga dunya

Haté geueum nyakseni diri

Asa jongjon aya nu teu cumpon

Poékeun ku kahirupan

Kawajiban nepi dipopohokeun

Geus teu kabita ku kahadéan

Geus poho kana ganjaran

Kunaon ari kami téh ?

Kasasab pamolah sorangan

Panon nyileuk culang cileung

Aya gé ceuli sadéngé déngé

Biwir balem semu ngadégdég

Saawak-awak sing sariak

Carinakdak teu cireumbai

Ceurik teu ngageunggeuik

Ngingsreuk teu lehoan

Kalawan napsu kapegung nu aya

Naha kami kieu parengna

Ruas roés néang kadunyaan

Kokoséhan sieun kasusahan

Nepi ahérat lapur teu dipikiran

Nun gusti...

kami ngarasa pang hina na

katungkulkeun néang kabagjaan di dunya

nepi ka, teu mikiran liang pajaratan jaga

Nun gusti nu maha asih

lamun mah isuk pagéto...

sésa umur kami keur nénjo tungtung kalangkang

hampura kami hampura